الرئيسية / فن ومشاهير / بالفيديو.. مرتضى منصور لـ شوبير مش عايز أسمع صوتك تاني

بالفيديو.. مرتضى منصور لـ شوبير مش عايز أسمع صوتك تاني

شنَّ رئيس مجلس إدارة نادي الزمالك مرتضى منصور هجوماً حاداً على كابتن شوبير رئيس اتحاد كرة القدم، خلال ظهوره بمقطع فيديو، قائلاً: “يا شوبير أنا مبمشيش ورا حد، وطلبت إن احنا نتعقل يبقى ترجع للراجل ساعاته وفلوسه اللي إنت خدتها منه، عيب تتكلم عنا بالطريقة دي، إنت بتتكلم بصفتك أيه؟، كنت رئيس جمهورية مصر؟ والمحاذير الأمنية دي مكانتش موجودة ومرجان بتاعك رايح يأجر بلطجية من ورا مطعم البرنس عشان تخدم السعودية وترك؟ كانت فين المحاذير الأمنية؟.

وتابع: “كانت فين المحاذير الأمنية لما شركة وي اللي بترعاكم عاملة إعلان مطلعة الزمالك مرة، كانت فين المحاذير لما رمضان صبحي شتم الحكم الرابع ولا حد عمله حاجة؟ كانت فين المحاذير الأمنية لما كنت بتدافع عن العيل الإخواني بتاعهم؟، كانت فين المحاذير الأمنية لما سيد عبدالحفيظ كان بيختار الحكام؟ لما كل ماتش الجيش يتشم، لما السلام الجمهوري يتعمل والبلطجية بتوعك بيغنوا ضد الجيش، وبعدين إنت طايح ف البلد ليه؟، العيب مش فيك العيب في الدولة اللي سيباك”.

وأضاف “منصور”: “وأنا كنت محروج أعمل فيك قضية بس مبقاش في حرج خلاص، أنا مخدتش من تركي ساعات وفلوس، عيب بقى إذا لم تستح فافعل ما شئت، هو إحنا بنطلب المستحيل، احنا طلبنا أيه ، متخلينيش أتكلم على أحمد أحمد جه إزاي وخدنا البطولة إزاي، أنا مش عايز أتكلم عشان بحب بلدي، عيب بقى”.

واختتم مرتضى منصور حديثه قائلاً: “وبعدين إنت أيه صفتك ترد، إنت مالك، إنت حامي الحمى يعني للنادي الأهلي؟ عيب بقى دانت دخلت الأعلام في أيام السلطة، أنا مبخافش يابني، تتكلم عن الزمالك بأدب واحترام، عيب دانتوا مكسور عينكوا كلكوا، وبعدين مانت شغال عند محمد كامل دلوقتي، مش ده اللي كتت بتهاجمه برده؟، مش عايز أسمع صوتك تاني كاتك القرف”.

شاهد أيضاً

دامسكو تجمع ناصيف زيتون ويارا وآدم في حفل استثنائي بدبي

بحضور اكثر من مئة نجم عربي من سورية ومصر ولبنان و الأردن والخليج ونخبة من …